باقة أمل: ابوك وامك محتاجين منك ايه!!

طاعة الوالدين

السلام عليكم ورحمه الله وبركاته

يتغافل الشباب عن والديه
وسط الشلة من الاصدقاء والخروج والكمبيوتر اللي بيعزله تماما عن الاسرة وبيكون عامل زي انسان مأجر اوضة فوق السطوح هو صحيح البيت فيه ناس بس هو لوحده فوق السطوح ومنعزل عن البيت

الام والاب
محتاجين نبرهم عشان ربنا يكرمنا في الدنيا
ودعوتهم مستجابة

ولو بريت اهلك واهلك مش متدينين يبقى اكيد ثوابك محفوظ عند الله

"وانذر عشيرتك الاقربين"
انصحهم حاورهم اوصل معاهم لحل

قربهم من ربنا واللي يربطكم ببعض الطاعة

ربنا يصل من يصل رحمه

يعني ربنا يباركلك في رزقك وصحتك ومالك وعيالك وكل حاجة تبقى جميلة والحياه تبقى جميلة عشان بتصل رحمك
فما بالك لو انت بتصل رحمك وبتطيع ربنا حق الطاعة تبقى الدنيا دي كلها جنه وفي الاخرة جنة ليك

وخللي بالك لو قاطعت اهلك
ابوبك وامك وقرايبك

ربنا حيقطعك يعني ماتسئلش انا رزقي ماله بيجي وبيروح على الادوية وماتسئلش ان ليه اولادي متخلفين في الدراسة وماتقولش انا ليه دايما في مشاكل ساعتها حتعرف انه ده سبب معصيتك لله وتركك لصلة الرحم

وربنا يهديك يا اخي الشاب
وكذلك اختي الشابة
صاحبي امك وابوكي
وانت اخي الشاب صاحبهم خليهم قريبين منك

خليهم يحسوا انهم ربوا وعلموا وجه دورك يا بطل انك تصلهم في اخر ايامهم عشان ربنا يرزقك الجنة

وتذكر احاديث الرسول وتحذيره
"خاب وخسر من ادرك والديه ولم يدخل الجنة"
او كما قال رسول الله صلى الله عليه وسلم

الحل انك تطيع والديك لو عايز ممشاكلك مع الدنيا كلها تتحل وحياتك تبقى بلا عوائق ولا مطبات صناعية