السلام عليكم

اللهم صلي وبارك على سيدنا محمد
بسم الله

اهمية الوقت وقيمته!

كثير من الشباب لا يقدرون معنى والوقت والوقت بالنسبة لهم عمر مهدور بالطول او بالعرض
فاجازة نهاية العام هي عبارة عن 3 شهور
وهذا الوقت الكبير يهدر من اول يوم في النت والجيمز والخروجات المحرمة وغير المحرمة
والخروجات من اجل المعاكسات ومن اجل شرب السجاير والشيشة
ومن اجل لعب البلياردو والبنج بنج والجلوس في المقاهي وغيرها
ومشاهده الفيديو كليب في الكافيهات على دخان الشيشة وقد يكون دخان الحشيش
وهو نوع من انواع المخدرات التي يعتقد اغلب الشباب انه غير ضار صحيا ولكنه
"بيعمل دماغ عالية " وخلاص

وبالنسبة للفتيات
من اجل مشاهده كل المسلسلات مع ان الدراسة لا تمنعها من ذلك
ومن اجل مشاهده الافلام والفيديو كليب
ومن اجل التجور في المولات والتعرف على الشباب او الخروج مع اصدقاء الجامعة والصديقات

ويتساءل هؤلاء الشباب
الاجازة طارت هوا؟؟؟؟

سؤال لابد له من اجابه

م حضرتك لو بتعمل حاجة مفيدة كان حيبقى لوقتك فايدة
انت وقتك معظمه معاصي ازاي عايز تحس بوقت
انت ماتعرفش طعم المتعة الحقيقية في اي اعمال مخالفة للدين
الدين الاسلامي جميل واللي يتبع اوامره ويجتنب النواهي واللهي حيحس براحة وبركة في الوقت والعمر وبركة في المال وحيبقى اسعد الناس في الدنيا والاخرة

اخي / اختي

الحل

ابعدوا عن الاصحاب اللي بيضيعوا وقتكم ومن وقت للتاني انصحوهم
اكيد حتسمعوا من اصحابكم كلام يضايق وممكن ماتكملوش في الطريق الصح بس تذكروا ان الله يراكم ومطلع على اعمالكم
اسمعوا دروس للشيخ محمد حسين يعقوب او الشيخ محمود المصري عن اهمية الوقت
وشوفوا الصحابة كانوا بيستغلوا وقتهم ازاي

انتم ممكن تعيشوا عمركم كله وتجمعزا حسنات قلائل والسيئات حتغطي على الحسنات دي عشان السيئات اكثر
وممكن تعيشوا عمركم تجمعوا سيئات ولما تتوبوا لربنا حتتحول حسنات وتكملوا في طريق الخير عشان ربنا يكرمكم باقي عمركم

الله غفور رحيم واسع الرحمة والمغفره وقابل الدعاء وقريب من عباده يارب تفهموا المعاني دي واطمنوا

استغلوا الوقت في تعلم لغة او قراءه القرآن او قراءة السيرة وكل ما تزهقوا العبوا على الكمبيوتر العاب مفيده مثل من سيربح المليون على الاقل لعبة كلها فؤائد ومعلومات عامة تجعل الانسان اكثر نضجا
اخرجوا وزوروا الاهل وتقربوا من القرايب وصلوا الرحم عشان ربنا يبارك في عمركم ووقتكم وصحتكم
ماتنسوش تذكروا ربنا ويآآآآه لو تعرفوا ثواب سبحان الله
وثواب الاذكا ر
وثواب الاستغفار

هي دي الحجات اللي لازم نعرفها ونستغل وقتنا بيها
مش الحجات التانية : اللمثلة الفلانية اتجوزت مين وعلان اتجوز مين وبتنجان جراله ايه

ده احنا مغيبين تماما ايه بيحصل بره
في فلسطين والعراق و و و و
مش دوول برضة اخواتنا ولازم نعرف حالهم ايه
ندعيلهم في وقتنا
"اللهم انصر المسلمين في كل مكان "

يارب اكون طرحت مشكلة وحل كويس لاهمية الوقت