السبت, 08 مارس, 2008
السلام عليكم
الموضوع النهاردة : انت اهلاوي ولا زملكاوي
يعني ابيض ولا احمر
سؤال للاسف حتلاقي اكثر من ثلثين مصر عنده اجابة للسؤال ده كالآتي :
طبعا اهلاوي يا مان
اهلاويةوبحب مصر اوي
انا أهلاوي وبعشق ابو تريكه
انا تبع فن ولعب وهندسه , زملكاوي اصيل
انا بقى بموت في حازم امام وياه على جماله
آه من عمرو زكي ان بشجع الزمالك مخصوص عشان معجبه بيه
عماد متعب ده زي العسل وانا نفسي اكون في مهراته
طيب سؤال تاني حنلاقي اجابة عليه برضة , هل بتشجع فرقتك كويس وبتروح الستاد؟؟
طبعا بروح بتفرج على الماتش من 12 الظهر لحد ما الماتش يخلص
طبعا بروح بتفرج على الماتش هو انا عندي اغلى من فرقتي
ياه انت بتسئل سؤال عبيط بلا شط بشجع وبحماس وبلغمط وشي احمر واخضر وكل الالوان
ولو طلبت اقلع هدومي والونه كله بلون فرقي المفضل ح اعمل كده
دي الاجابات المتوقعة من الشباب والرجال والبنات والستات ايضاً , بقى كله بيشجع دلوقتي
طيب انا بوجه رسالة للجميع شباب وبنات ورجال وستات
تعصبك ده لفريقك انت شايف انه مفيد؟؟
ده حتى الإسلام مش دين تعصب ودي مش اخلاق مسلمين
انت شايف ان الوقت اللي بتضيعه مع تشجيع فريقه ده مصريه ايه؟؟ ثواب ولا ذنوب ولا ايه؟؟
بالطبع انت بتلهي نفسك عن ذكر الله وعن الصلوات وعن طاعة ربنا بحاجة مش حتفيدك, لان لو فريقك كسب او خسر انت مش حتكسب حاجة مش حيدخل جيبك مليم وبرضة مش حياخدوا منك مليم عشان فريقك خسر , ولما بتتفرج على التلفزيون في بيتك شوف بتضيع منك ثواب قد ايه لان الوقت ده ممكن تشاهد فيه درس علم ثقافي ديني اجتماعي اي شئ من هذا القبيل بس حتستفاد, ف انت حتتحاسب على عمرك الى هو الوقت اللي انت بتضيعه .
طيب شوف انت بتاخد ذنوب قد ايه لما بتتفرج على ماتش كرة عشان انت بتضيع وقت, وياه بقى لو انت بتسب وتلعن , شوف ذنوب قد ايه بتشيلها لو شتمت جمور الاهلي او جمهور الزمالك , شوف ده جمهور بالملايين وده جمهور بالملايين وملك السيئات الذي يكتب سيئاتك لن يتعب من حصر من تشتمهم وكتابه الذنوب عليك فبادر بالاستغفار
وكمان الدعاء في ناس بتدعي من قلبها ان فريقها يفوز , مش هي اولى بالدعاء ده مش اخواتنا المسلمين في كل مكان اولى, تدعي لنفسك ولا تدعي لفريقك؟؟ تدعي لاخواتك المسلمين ولا تدعي لفرقك؟؟ مع العلم فريقك لو كسب او خسر مش حتاخد ثواب بل ممكن تاخد سيئات لو خسر عشان انت حتشتم فرقيك لو خسر ولو كسب حتشتم جماهير الفرقة المهزومة والفرقة المهزومة
ياجماعة الرياضة نفسها مش حرام
انت تقدر تلعب رياضة بنفسك مع اصحابك مع اهلك , عشان تبقى قوي , لان الجسم السليم في العقل السليم , وما الفائدة من مشاهده المباريات تبقى حضرتك قاعد وكرشك قصادك مترين وعمال تدخن وتقزقز لب واللعيبة يكسبوا فلوس وصحة وانت تخصر صحتك ومابتكسبش حاجة
ألعبوا رياضة افضل
أستغلوا وقتكم افضل وفي حاجة مفيدة
فالشيطان يحبكم ان تضيعوا اوقاتكم فيما يغضب الله ويأخذكم الي لا عودة في طريق المعاصي
جزاكم الله خيرا
اذا وجدتم في الموضوع خيرا فأنشروه
هذا الموضوع من تنفيذ موقع باقة أمل
أضف تعليقا
أضف تعليقا
<<الصفحة الرئيسية
