حتتحجبي دلوقتي ولا بعد دقايق!
هذا الموضوع بتاريخ : 26 /1/2008
تحديث في : 5/2/2008
السلام عليكم ورحمه الله وبركاته....
الموضوع ده لكل بنت مش محجبة ولكل بنت محجبة
اكيد زهقتوا من كتر ما بيقولولكم اتحجبوا اتحجبوا !!!
طيب ليه ما تفكروش في الحجاب بشكل تاني ومختلف , الحجاب ده شئ جميل فرضه ربنا سبحانه وتعالى على كل انسانة بالغة
طيب ماحدش سئل ليه ربنا سبحانه وتعالى فرض الحجاب ؟؟
ربنا سبحانه وتعالى فرض الحجاب عشان كل انسانة تمشي في الشارع في اماااان , محدش يرميلها كلمة كده او كده , محدش يتحرش بيها , محدش يتكلم عليها , ماحدش يججيب سيرتها بحاجة وحشة , ماحدش يصورها بدون علمها ويعمل في الصورة بلااااوي ويشهر بيها على النت واكيد سمعتوا عن الموضوع ده
طيب حلو اوي,, بس عايزين نتفق على حاجة !!!
ايه هي الحاجة؟؟؟؟
اننا دلوقتي عايشين في زمن الفتن , يعني الشباب بتشوف كل يوم قصاد عينها فيديو كليب وافلام ومسلسلات وجوه دماغهم افكار مش حلوة
طيب ليه الافكار مش حلوة ؟؟؟
عشان الشباب بيشوف في الفيديو كليب ده مناظر خارجة وبيشوف بنات مبينين معظم جسمهم ومجسمين كل حااااجة , وبيشوف علاقات داخل الفيديو كليب والمسلسلات والافلام بين راجل وست وبين شباب وبنات , وبيشوف ازاااي الولد بيبتدي العلاقة وازاااي بيبتدي وازااااي يتكلم ,, وكل دي افكار بتبقى عند شباب كتيييرة ازاااي ينفذوا الافكار دي وازاااي يصاحب بنت واتنين وثلاثة , وازااااي يكون زي الشخصية الفلانية في الفيلم الفلاني ويعرف اكتتتر من بنت , بس طبعا في الحقيقة مش خيالية زي الفيديو كليب والافلام والمسلسلات ,, وازاي يكون معاه ارقام موبيلات بنات وازاااي يكلم بنات كتييرة وازاي يخرج معاهم ويعمل ايه في الخروجة , وخروجة عن خروجة تبتدي العلاقة تتطور ويمسك ايدها وبعد كده يبتدي يحضنها ويبوسها ووو وووو ,,, كل ده بيحصل آآآآآآآآآآآآآه والله بيحصل وفي شباب ربنا يهديهم بيفكر كده
طيب كل ده عشان البنت مش محجبة ولا عشان ايه؟؟؟
الاسباب مختلفة كثيرة , منها ان الشباب مش بيلاقي قصاده الا بنات مش محجبة , وان الشباب مش متربي تربية اسلامية تحصنه وتحميه وتهذب اخلاقه وتخليه يعرف حق الطريق وحق الناس وحق ربنا قبل كل شئ وحدود ربنا
كده احنا اتفقنا على الاوضاع اللي الشباب فيها من افكار واخلاق واكيد كل بنت عارفه او على الاقل بتسمع !!
طيب والشباب ده بيشوف ايه قدامه؟؟؟ انت ناسي ان في بنات كثيرة محجبة الايااااام دي وكثيرة قوووووووي كمااااااان؟؟؟؟
اقولك الشباب بيشوف البنت ازااااي دلوقتي , الشباب بيشوف البنت قصاد عينيه آآآآآآه هي لابسه طرحة على شعرها وشكلها يعجب وشكلها حلو وجميل , بس جمالها ده ياترى لمين!
الشباب بيشوف بنت لابسة طرحة ولابسة لبس مجسم كل جسمها وكل حاجة في البنت بتلفت انتباهه من اول جزمتها لحد الطرحة اللي غالبا بتكون بترتر وملونة وشفافة احياناً
الشباب بيشوف بنت زي اللي في الفيديو كليب تمااام ماتفرقش الا في الطرحة وبس , لكن باقي جسمها مجسم ومغري لاي شاب
في بنات حتقول الشباب دي مش ملتزمة ؟؟ واحنا ملتزمين ومحجبين؟؟
فعلا الشباب دي مش ملتزمة ومش بينفذوا قول الله تعالى " وقل للمؤمنين يغضوا من ابصارهم " يعني مش بيغضوا بصرهم , وده اللي بيخليهم يغلطوا ويتحرشوا ويعاكسوا ويتفرجوا على فيديو كليب ويتفرجوا على مواقع اباحيه ويحاولوا ينفذوا اللي بيشوفوه في التلفزيون والنت ويعاكسوا ويصاحبوا ويخرجوا واللي احنا بنشوفه ونسمع عنه
نيجي بقى للاجابة على البنااااات اللي بتقول انها محجبة,, انتي فعلا ممكن تكوني بتحجبي شعرك فقط ومش دايما لان في طرحة شفافة , بس بقولهالك بصراحة انتي مش محجبة
في بناااااات حتستغرب!!! ازاااي يعني انا مش محجبة !!!! امال الطرحة دي ايه؟؟ عياقةّّّ؟؟؟
حقولك فعلا انتي مش محجبة , لان هدف الحجاب انه يحجب غيرك عنك من الرجال ,, ف الولد او الشاب لو شاف بنت منتقبة او منقبة تفتكروا حيعمل ايه؟؟ يا حيقول ربنا يبارك فيها , يا أما حيمشي من سكات ويروح لحتة تانية
نرجع للطرحة!!
الطرحة دي مش حجاب كامل , ولو لابسه طرحة طويلة ومغطية شعرك وانتي لابسه لبس واسع ومش ضيق ومش ملفت للنظر ومش حاطة مكيااااج , في الحالة دي اقولك فعلا انتي محجبة والطرحة الطويلة واللبس الواسع ده هو فعلا الحجاااااب
ده كلااااام جميل بس ماينفعش في زمانا!!!
الكلام ده ماينفعش في زمانا عشان احنا اتغيرنا وبعدنا عن دينا والبنات ماشية على اخر موضة , واللي محجبين نصف حجاب اللي لابسين بس الطرحة وتحت الطرحة في بنطلون ضيق جداً او في جيبة شفافة وفي باضي مجسم وفي وفي ودي مش محجبة دي اسمها متروشنة مش أكثر بس بنحيها على اول خطوة حجاب الراس ومش بنشجعها على الاستمرار كده عايزنها تكمل حجابها عشان ربنا يكرمها ويغفرلها , حتى المحجبات اللي لابسين حجاب كااامل للاسف في منهم بيحطوا مكياج ويخللي اللي مايشتري يتفرج وبكده برضة مايبقوش محجبين حجاب كااااامل وناقصهم بس يشيلوا المكيااااج عشان مايلفتوش النظر
كلمة أخيرة عن الطرحة!!
انتشر مؤخراً لفة الطرحة وبقيت موضة اسمها "اسبونش" او الحجاب الاسباني , وفيه لفات مختلفة بتبين اجزاء من رقبة البنت و طبعا الاجزاء دي من عورتها فحرام اصلا انها تبينها , واللي يحزن ان البنت بتبقى لابسه لابس كامل متكامل ولكن لابسه الايشرب او الطرحة وعاملة موضة في ربطة الطرحة وبوظت الشكل الجميل للحجاب, فياريت يا اختي ما نقلدش الغلط
لإن الحجاب سر إيمانك وليس سر جمالك
لإن جمالك ده حلال لزوجك فقط , وليس لعامة الناس وليس لكل الناااااس , فإحذري من السيئات التي قد تحمليها على نفسك , لما يشوفك اي رجل ويتأمل هذه الاجزاء العارية من رقبتك واذنك, ياريت تكوني فهمتي معنى الحجاب صح!!
طيب ايه هي شروط الحجاب ؟؟؟
عايزكم تشوفوها بنفسكم على موقع الحجاب
http://www.al-hejab.com/sharee.htm
طيب ايه تاني ناقص البنت عشان تحمي نفسها من الذئاب الشبابية والبشرية التي تنتظر كل يوم فريسة جديدة , وفي نفس الوقت البنت ازاااي ترضي ربنا؟؟؟
حنجاوب بالعكس : البنت ترضي ربنا لو لبست الحجاب صح زي ما موجود في شروط الحجاب الشرعي
واللي ناقص البنت النقاب
وكلمة عن النقاب : في ناااس مش فاهمين دينهم كويس وعندهم امية دينية ويقولوا على اللي لابسة نقاب دي عفريته , حقول للي لابسة نقاب ربنا يثبتك ومالكيش دعوة ولا تعملي حساب الا للي خلقك لانك بترضيه مش بترضي الناس
والاصل في الدين ان سائر جسد المرأة عورة واختلف العلماء الاربعة في تغطية الوجه والكفين وانقسموا قسمين وحنقول باختصار :
القسم الاول : الحنفية والمالكية قالوا عورة المرأة جميع بدنها عدا الوجه والكفين , ولكن تكشف وجها ويديها اذا امنت الفتنة , وقالها الشيخ محمد حساااان اننا في زمن الفتة فالافضل ان تغطي وجها وكفيها وليس فرض عليها
القسم الثاني : الشافعية والحنابلة قالوا ان عورة المرأة جميع جسدها بما فيهم الوجه والكفين
وراجعوا شروط الحجاب الشرعي
http://www.al-hejab.com/sharee.htm
وكلمة عن البنطلون
حسيبكم مع حكم ارتداء البنطلون
http://www.islam-qa.com/special/index.php?ref=21438&subsite=16&ln=ara
ياريت نفهم الحكم صح عشاااان في ناااااس ممكن تفهم المعنى غللللط
وتلخيص للحكم : ان يكون البنطلون واسع جدا فضفاض لايصف ولا يشف ولا يلفت النظر "يعني مش درتي" ولا فيه حجااات بتبرق ولا حركااااات , وان يكون عليه قميص طويييييييل واسع فضفاض غير شفاف ولا مجسم وغير ملفت للنظر في الوانه
طيب خلااااص خلصنا كلامنا
ودلوقتي حنوجه رسالة لكل بنت : الموضوع قدامكم واكيد انت عارفين الشباب حالها ازاااي و الحالة الاقتصادية اللي بتمنع الشباب من الجواز بالاضافة الي المغالاه في تكاليف الزواج التي تجعل الشاب يائس بائس ,, الحجاب اكييد عرفتوا معناه : يعين الجسم كله يبقى مستور , واقرأوا الشروط للحجاب الشرعي عشاااان ربنا يرضا عليكم ويخليكم يوم القايمة من الصالحات ويدخلكم الجنة , وذلك لانكم اطاعتم الله
ورسالة لكل بنت مش محجبة: انتي مستنية ايه؟؟؟
مستنية لما يجي واحد ويخطفك ويغتصبك عشان شايف قصاده واحده مبينه كل مفاتنها قدامه؟؟؟
مستنية لما واحد يعمل فيكي حاجة ويسوء سمعتك؟؟؟
مستنية تجيبي مشاكل لاهلك؟؟؟
مستنية ايه؟؟؟
انتي مش عارفة ان ربنا دلوقتي غضبااان عليكي ؟؟؟
وكل واحد بيشوفك بتشيلي ذنوب عشان بتبيني الجسم اللي ربنا سبحانه وتعالى قالك غطيه؟؟
مستنية تموتي على المعصية دي؟؟؟
انتي اكيد حرة , لإن كل انسان بيشيل ذنبه وبس , ودي نصيحة لله
ورساله لكل بنت محجبة : كملي حجابك
واستغفري ربنا على اللي فاتك وانتي مش محجبة صح
يعني ألبسي اللبس الواسع اللي مش بيشف , وألبسي اللبس اللي مش بيجسمك , وإياكي تحطي مكيااااج ده حيخللي الكل عيونه عليكي بدل ما تبقي قدوة للبنات الغير محجبات والمحجبات يغيروا من ألتزامك , حتبقي قدوة سيئة لفتاة مسلمة
يعني حتبقي فتاة بتتشبة بالكفار وغير المسلمين في لبسهم , يعني بنطلون وباضي ومحزق وملزم!!!!
وقال رسول الله صلى الله عليه وسلم "من تشبه بقوم فهو منهم " و " يحشر المرأ مع من أحب"
وانتي بلبسك كدة بتقلدي الغربيات وغير المسلمات والممثلات والمطربات في لبسهم الضيق الكاشف العاري المجسم يعني عايزة تحشري مع دووول ولا تحبي تحشري مع زوجاات الرسول صلى الله عليه وسلم والصالحااااات
وربنا سبحانه وتعالى غفور رحيم ,,, حيغفرلك
ورسالة لكل شاب ورجل : اتقوا الله وغضوا بصركم واسمعوا كلام ربكم وكلام نبيكم , حتى تنزل علينا رحمه ارحم الراحمين
وتذكروا ان لكم اخوات وامهات وزوجات , ممكن يحصلهم اللي انتم بتعملوه في بنات الناس
جزاكم الله خيرا على حسن وطول بالكم , الموضوع ما انتهاش واكيد الموضوع ناقص معاني واكيد فيه نقص لاني بشر ومافيش حد كااامل والكمال لله وحده
ارجوا نشر هذا الموضوع في جميع المنتديااات والمواقع من اجل ان تعود البنت المسلمة الي ما كانت عليه في عهد النبي محمد صلى الله عليه وسلم , تعود الي اخلاقها وعفتها وان عادت هي سيعود الرجال والشباب الي دينهم ولكن الصبر ولكن لابد من صبر وعمل , يا اختي بادري بالحجاب الصحيح فكل جسمك انتي مؤتمنة عليه امام الله وستحاسبي ان فرطي او قصرتي و سوف ياتيكي الثواب ان انتي التزمتي
******************