مجانين موبيل!!
هذا الموضوع بتاريخ : 25/1/2008
السلام عليكم ورحمة الله وبركاته...
حنتكلم عن الموبيل , اكيد حتكون حكاية ظريفة وجميلة عشاااااان الرنااااااااات والذي منه
الموبيل : جهاز زي التليفون الثابت بس الميزة انه متحرك اتطور بشكل كبير لحد ما وصلت التكنولجيا لجهاز موبيل يقدر يلقط الردار ويقدر يصور ويكشف عورات الناس!!
طيب حنتكلم عن الموبيل والرنات والحجات , كام واحد شايل موبيل في مصر؟؟
الاحصائيات كثيرة بس نقدر نقول ان عدد مستخدمي المحمول في مصر وصل ل اكثر من 20 مليون مستخدم...تقريبا
ومع دخول الشبكة الثالثة والدقيقة الرخيصة زاد العدد وبقى في اللمون
طيب الموبيل حاجة مهمة وحاجة مفيدة صح ولا أنا غلطان؟؟؟
فعلا الموبيل مفيد ومهم ولكن!!!
ولكن ايه يا عم قوووول!!!!
الموبيل من الاختراعات الحديثة , واي اختراع بيبقى سلاح ذو حدين , يعني يستخدم في الخير ويستخدم في الشر والضرر بالناس
طيب نيجي لناحية الخير , ايه هي؟؟؟
اننا نستخدمه استخدامه الطبيعي
اللي هو ايه؟؟؟
اننا نستخدمه في صلة الرحم والاطمئنان على الاصدقاء و للعمل , ودلوقتي لا يستطيع اي عامل او اي صاحب مهنة عدم استخدااام المحمول لاهميته في انجاز الاعمال وتوفير الوقت والجهد
كلام جميل كلام معقول ,, ولكن!!!
ولكن ايه تااااااااااني!!!!
في ظاهرة انتشرت مؤخرا
ايه هي الظاهرة دي؟؟؟
ان دلوقتي الاطفال من سن 10 و 12 و 13 بدأوا يشيلوا محمول بلزمة وبدون لزمة
طيب اللزمة ان الطفل دة يكون في اي مكان واهله عايزين يطمنوا عليه, عشااان لو اتأخر او حصلة اي طارق يقدروا يجيبوه ويجيبو طاااارق!!!
واللي بدون لزمة ,,,, ان الطفل يمسك الموبيل ويجرب اي نمر ويعاكس او يضايق حد او يتصرف تصرفات غير اخلاقية لان اجهزة الموبيل دلوقتي اصبحت على احدث طراز يعني كاميراااا و حركاااااااات جااااااامدة
طيب احنا حنقدر نوجهه للطريق الصح
لأ بس في اللي اكبر شوية من الاطفال!!!
مين ؟؟؟؟
اللي من 14 لحد 18
آآآآآآآآآه سن المراهقة
ايوووووووووووووه سن المراهقة
وماله ده كمااااااااااااااااااااااااان؟؟؟
تلاقي البنت عندها يا اخويا 13 و 14 سنة وماسكة موبيل وبترن على اي رقم ويطلع ولد تصاحبه وتحبه ويتقابلوا ويحصل ما لا يحمد عقباه أو اي ولد يجرب اي رقم وتتطلع بنت ويعيش عليها شوية آل ايه بيحب فيها وهي طفلة بريئة بتصدق وبتعيش وياسلاااااااااااام
طيب واهلها فييييييييييييين؟؟؟؟؟؟
انا عارف يا اخويا دوووول ولا اكنهم عايشيييين معاها في نفس البيت ,, وممكن تكون بتتكلم قدامهم في التليفون على انها واحدة صاحبتها وفي الحقيقى هي واحدة صاحبها....
والاهل دووول لو دوروا ورا بنتهم بعقل وهي نايمة حتى,, حيلاقي رسايل الله أعلم بيها وممكن يلاقوها راسمة قلوب في الكشكول اللي المفروض دة بتاع المذاكرة....
وكذلك اهل الشباب الصغير يعني 15 و 16 و17 و 18 سنة وانت طالع حيلاقوا بلاااااااااوي اكيد....
طيب وانت متأكد ليه انهم حيلاقوا حاجة؟؟؟
عشان م الاول لما جابولهم الموبيل ما نصحوش وقالوا الموبيل من الضروريات مش تسلية , والموبيل دة عشان ضرورة قصوى مش عشان نغضب بيه ربنا في صور و فيديوهااات الله يعلم بيها وباللي فيها اباحي على فيديو كليب ,, زي مابيقولوا كوكتيل معاصي مشكل
لا حول ولا قوة الا بالله !!!
فعلا لا حول ولا قوة الا بالله , طيب ايه اللي بيحصل تاني؟؟؟
يوووووووووووه بلااااااوي تاني بتحصل مش بس حب وكلام من ده ,, لأ ده في اللي اصعب من كده!!!
ايه هو اللي اصعب؟؟؟؟
ان الشباب اللي من 20 ل الي ماشاء الله
بيصورا البنات وينشروا الصور على النت ويشهورا بيهم , وممكن يصورا بنات في مواقف مخجلة وينشروا دة بينهم ,, يعني ما اللي سمعناه ان في بنت كانت بتهزر مع بنت وصورتها بدون ملااابس واخو البنت دي شاف الصورة على موبيل اخته فأخذ الصورة ونقلها بين اصحابها الي ان وصلت الي اخ البنت اللي اتصورت وكانت النتيجة جريمة فظيعة
طيب وليه , هناك حديث لرسول الله صلى الله عليه وسلم فيما معناه , انه (ص) ينهانا عن تتبع عورات الناس
طيب وكلمة أخيرة لكل الناس؟؟؟
الموبيل للضروريات يبقى ميه ميه ونقدر نسمع عليه قرآن ونبعت منه حجات مفيدة زي معلومة او حديث شريف او نطمن بيه على اهلنا واصدقائنا وعشان الشغل...
وبكده يبقى الموبيل مفيد وبنستخدمه في الخير وفي طاعة ربنا...
لكن!!!
نبقى مجانييييييييييييييين موبيل ونفضل نزهق الناس بالرنات وممكن الناس اللي بنعاكسهم دووول يطلعوا مركز مهم ويتعامل معاك رسمي وياخد حقه منك ازااااااي الله اعلم , وممكن تعمل مشكلة لبنت مالهاش ذنب لمجرد انك بتعاكس واهلها يسحبوا ثقتهم فيها , هو انت معندكش اخوات بنااااات وخايف عليهم
مش عايزين ننسى نفسنا مع الموبيل ويجيلنا حاجة عصبية وقلق لو ما شوفناش الموبيل كل ربع ساعة مين رن مين بعت رسالة مين مارنش ,, ايه ده
هل نحن عندنا نفس اللهفة دي على القرآن الكريم ونبص فيه حتى كل ساعتين مرة ونقرأ صفحة او اثنين ونأخذ اجر كبير كل حرف بحسنة والحسنة بعشة امثالها.....
لازم نتقي ربنا في كل اعمالنا....
واعرفوا ان سبب المجاميع القليلة سببها الموبيل!!!
تلاقي البنت هيمانة في الرنات والولاد كذلك حتى اياااام الامتحانات والتركيز بيقل والمجموع هو كمااان بيقل....
خللي الموبيل نعمة مش نقمة....
خلليه في الحلال!!
يعني عشاااان تطمن على زوجتك وزوجتك تتطم عليك , وانت تتطمن على امك وابوك واخواتك وعمامك وخالاتك وعمالتك وخلانك , وولادك واصدقائك
وابعد عن الحرااام!
يعني صاحبتك وربنا حرم اتخاذ الخليلات: اي الصديقات , وكذلك البنت وصاحبها لان ربنا حرم اتخاذ الاخدان : ا ي الاصدقاء من الرجال للمرأة, كلمة صاحبها دي حرام لان الصداقة محرمة بين رجل وامرأة , وبلاش تعاكس الناس,, ولا تسبب ازا او مشاكل لحد,, واذا استخدمت الكاميراااا استخدمها صح او ماتستخدمهاش خاالص وكذلك تصور الفيديو بكاميرا الموبيل...
طبعا كلامي أكيد ناااقص واكيد في حجات نسيتها واكيد في اخطاء املائية , لاني بشر ومافيش حد كامل والكمال لله وحده ,, والموضوع دة بالاسلوب دة موجه لكل شاب وموجه ليا ولكل بنت ولكل النااااااااس
*****************