ياعيني على الأب ده!
هذا الموضوع بتاريخ : 23/1/2008
السلام عليكم ورحمة الله وبركاته....
ممكن كل اللي يقرأ اسم الموضوع يستغرب , هو فعلا موضوع غريب شوية
طيب نسئل كده نفسنا ليه اختارنا الاب؟؟؟
عشان هو المصدر الرئيسي للمال في اي بيت
طيب مين هو الأب ده اللي يا عيني عليه؟؟
الاب اللي عنده اولاد في مدارس وبيأخدوا دروس خصوصية, او في جامعات ومش بيذاكروا وبيضيعوا سنين من عمرهم على الفاضي
طيب ياعيني عليه ليه؟؟
عشان هو بيتعب وبيشتغل ليل نهار عشان يقدر يوفي احتياجات البيت من أكل لشرب لمياه لكهرباء لغاز وكمااااااان دروس خصوصية ومصاريف مدارس وجامعات
طيب ايه المشكلة في كده؟؟
المشكلة ان ولاده وبناته مش مقدرين التعب ده وبيلعبوا وبيضيعوا وقت وبيضيعوا تعب ابوهم على الفاضي
والصدمة الكبييييييييرة!!!
أخر السنة لما يجي الاب يستلم شهادات ولاده وبناته ويلاقي كحك أحمر او يلاقي مجموع زي الزفت!!
وصدمته!!!!
انه كان واثق في ولاده وبناته انهم بيذاكره , وانه اتخدع فيهم لانه مش بيشوفهم الا على الكتاب , بس الحقيقة هما كانوا بيمثلوا
طيب وبعدين!!!!!
لكل ابن : ابوك بيتعب بالفلوس اللي بيجيبهالك انت واخواتك عشان تقدروا تعيشوا كويس وتتعلموا كويس , بر ابوك انك تذاكر وماتخيبش امله فيك , دة هو بيحب قوي , والدليل انه مش بيستخصر فيك حاجة لا انت ولا اخواتك , اتقي ربنا فيه وذاكر عشان يرضا عنك ورضاه من رضا ربنا وماتنساش ان طاعة ربنا اولا ثم طاعة الوالدين ولكن الاثنين مرتبطين ببعض يعني لازم تطيع ربنا وابوك وامك , وماينفعش تطيع ابوك وامك بس , وماينفعش تطيع ربنا بس ...
لكل بنت : ابوكي بيحبك ومش بيستخصر فيكي حاجة , وانتي اكيد بتحبيه بس الحب مش كلام الحب فعل , يعني لازم تذاكري وتطيعي ربنا عشان ربنا يوفقك في حياتك الدراسية وحياتك العملية , استهدي بالله وذاكري وكفاية ان ربنا بيحب اللي بيوصل رحمه , وابوكي وامك اول ناس واجب عليكي توصليهم , فإنتي وصلي حبك ليهم انك تذاكري وتنجحي وربنا حيوفقك ان شاء الله
********************