السلام عليكم
الموضوع اللي احنا اتكلمنا فيه عن السن المناسب للزواج , لا يقل أهمية عن قضايا اخرى

لان سن الزواج متعلق بعفة وطهارة الشباب من الذنوب

والنيجة اللي وصلنالها

" الخطوبة المبكرة"

الإنسان مش معقول حيتجوز اول ما يقابل واحدة مناسبة ليه وخلاص
بيحتاج انه يعرفها كويس , عشان كدة الخطوبة هي الفترة المناسبة للطرفين قبل اتخاذ القرار الاهم وهو الزواج

يبقى الانسان لازم يفكر انه يدور على بنت الحلال من اول ما سنه يبقى مناسب

ووصلنا ان السن المناسب للبنت
من 18- 20 او 22 دة سن مناسب جدا

والشاب من 20 - 24 بالكتير


انا ضدد ان شاب عنده 20 او 21 ويتقال عليه لايستطيع تحمل مسؤلية نفسه ومسؤلية شريكة حياته

لان العامل الاساسي اللي وصل اغلب الشباب في العصر الحال لكدة التربية

لان في ايديك ك أب انت تخللي ابنك راجل من صغره ويتحمل مسؤلية صغيرة ثم اكبر في اكبر وطبعا كله في اطار الشريعة الاسلامية
يعني الشاب محتاج قدوته في صورة ابوه , يعني الاب ممكن يربي صح وممكن يربي غلط فيطلع الولد عيل حتى وسنه 25

والام تقدر تعلم بنتها ازاي تبقى ست بيت وتتحمل المسؤلية
لان الام او الاب مش بيربوا اب او بنت بس دوول بيربوا اجيال لقداااااام احفاد احفادهم

كلكم راع وكل مسئول عن رعيته او كما قال رسولنا الكريم صلى الله عليه وسلم


النتيجة النهائية حسمناها وحتواجهنا مشكلتين : اننا محتاجين اعادة بناء شخصية كثير من الشباب عشان يبقى رجاله في تصرفاتهم ويقدروا يتحملوا مسئولية

ثانيا الحالة المادية ودي ان شاء الله نبقى نطرحلها فضفضة ومناقشة أخرى...

واخيرا

فوائد الزواج المبكر

الانسان يحصن نفسه - يعيش ويتمتع بالحلال - يقضي شهوته في الحلال - يستمتع بتربية ابنائه وهو شاب - يعينه هذا الزواج على قضاء واجباته وعباداته حق الاقامة اذا رزقه الله الزوجة الصالحة وكذلك المرأة او البنت

عيوب تأخر الزواج

عدم غض البصر - الأمراض - التخلي عن الفضيلة - حب الشهوة - اطلاق الشهوة في الحرام وفيما يغضب الله....الخ

تخيلوا الواحد لو اتجوز 30 او 28 عقبال مايخلف وربنا يرزقه وابنه يوصل 15 حيبقى مثلا وصل ل 48 او 50 سنة بقى عجوز ولما ابنه يوصل 20 يبقى على المعاش يعني 60 سنة فيما فوق

تخيلوا الجيلين دوول حيقدروا يتفاهموا

وتخيلوا لو الواحدة اتجوزت 25 او 28 حتخلف امتى وحتربي امتى
والسن المناسب الصحي للولادة زي ما درسنا زمان من 18 الي 35

وكل ما كانت في ال 20 احسن وافضل عشان تقدر تربي وتعلم والا الحياه برضة حتبقى بين جيلين مختلفين
وكمان تعب الولادة والخلفة فوق ال30 اصعب وكل ما عدا كماااان اصعب واصعب يعني 35 وانتي طالعة....دمااااااااااااار شامل و وجععععععععععع كااااااااامل

واخيرا مقولة الزواج نصف الدين : خاطئة بالثلث

لان هذه المقولة تتعارض مع حديث رسول الله من استطاع منكم .....فليتزوج
ومن لم يستطع فعليه بالصيام...........او كما قال رسول الله صلى الله عليه وسلم

رسول الله يوجه كلامه للشباب اللي قادر يتجوز واللي مش قادر يصوم
وماقالش اللي مش قادر يبقى دينه ناقص

أضافة
ربنا سبحانه وتعالى مقدر لكل واحد حيتجوز مين وكل واحدة حتجوز مين , زي الرزق كده بالظبط
بس مش معنى كده اننا ماندورش ومانفكرش ومانسعاش للرزق و مانسعاش اننا نلاقي بنت الحلال

فعلينا ان نأخذ بالاسباب والله سبحانه وتعالى يفعل ما يريد

واخذنا بالاسباب يعني ندور ونسعى
مش نستني ونفضل محلك سر واقفين مكاننا

قال الله تعالى: ?إِنَّا كُلَّ شَيْءٍ خَلَقْنَاهُ بِقَدَرٍ? [القمر:49]، وقال تعالى: ?نَحْنُ قَسَمْنَا بَيْنَهُم مَّعِيشَتَهُمْ فِي الْحَيَاةِ الدُّنْيَا? [الزخرف:32].

حدثنا رسول الله صلى الله عليه وسلم وهو الصادق المصدوق: (إن أحدكم يجمع خلقه في بطن أمه أربعين يوما، ثم يكون في ذلك علقة مثل ذلك، ثم يكون في ذلك مضغة مثل ذلك، ثم يرسل الملك فينفخ فيه الروح ويؤمر بأربع كلمات: بكتب رزقه، وأجله، وعمله، وشقي أو سعيد).

وكل شئ نصيب وربنا سبحانه وتعالى مقدر مين من نصيب مين